सत्ति / टीकापुर नगरपालिका–८ बनगाउँस्थित जितु कटेजमा जुवातास खेलिरहेको अवस्थामा १२ जना पक्राउ परेका छन ।
इलाका प्रहरी कार्यालय टिकापुरमा कार्यरत एक प्रहरी अधिकारीका अनुसार पक्राउपर्नेमा महेन्द्र साउँद उदय शाहि, ज्ञानेन्द्र नायक ,कमल चाैधरि, वीर बहादुर बाेहरा,लगायत १२ जना रहेका छन । जुवा खेल्ने १२ जनालाई आवश्यक कार्वाहीका लागि धनगढी चलान गरिएको टिकापुर प्रहरीले जानकारी दिएको छ ।
लामो समय देखि हाेटलमा रातिको समयमा खुलेआम चार ,पाँच टाेलिलाई जुवा खेलाउने गरेता पनि स्थानीय प्रहरीले चासो नदिनुलाई स्थानीय वासिन्दाले जुवातास खेलाउनमा अदृश्य मिलेमतो भएको हुनसक्ने बताएको टिकापुर ८ सुर्यपुरका एक स्थानीयले बताए । ईलाका प्रहरी
टिकापुरका प्रमुख डिएसपी हेमबहादुर शाहीको कमान्डमा खटिएको टोलीले उनीहरुलाई गएराति जुवाखाल बाट पक्राउ गरेको हो ।
जितु कटेजमा रातिको समयमा गेट बन्द गरेर जुवातास खेलाउने गरेको स्थानीयकाे भनाइ रहेको छ । ईलाका प्रहरी कार्यालय टीकापुरबाट खटिएको प्रहरीले उनीहरुलाई नगद १ लाख २९ हजार ४ सय रुपैयाँ र २ गड्डी तास सहित फेला पारी पक्राउ गरेको हो । घटनाका सम्बन्धमा प्रहरीले आवश्यक अनुसन्धान गरिरहेको छ । भने कटेज संचालक जितराम चाैधरि फरार रहेको टिकापुर प्रहरीले सुदुर सन्दर्भ अनलाइनलाई जानकारी दिएको छ ।
प्रहरीले संचालक चाैधरिकाे खाेजि कार्य व्यापकरुपमा गरेको बताइएको छ ।
कटेजका संचालक चाैधरिले एकैरातमा जुवा खेलाए बापत ६० हजार रुपैयाँ सम्म असुली गर्ने गरेको एक भुक्तभोगीले बताए । केही वर्ष अघि सम्म टिकापुरकाे एक शिविरमा छाप्राेमा बसेर नास्ता पसलबाट गुजारा गर्ने चाैधरिकाे होटलकाे काराेबार बाट आर्थिक हैसियत माथि बढेपछि अहमता बढेको प्रष्ट देखिथ्याे एक स्थानीयले बताए । व्यवसायमा जमेका चाैधरि व्यापार संगै राजनीतिक दलको आडमा उनलेे गैरकानुनी काम गरेको एक स्थानीयले आराेप लगाए ।
चाडपर्वकाे समयमा हुने जुवातास नियन्त्रणका लागि अन्यत्र पनि प्रहरीले गस्ती बढाउनुपर्ने स्थानियकाे भनाइ छ ।
समाचार 
